前「TVB小生」畀TVB雪藏,靠電影成功打出一片天

前「TVB小生」張繼聰係圈中出名嘅好爸爸,一直行獨特路線嘅佢,今次估唔到為咗氹囡囡張靖(Karina)開心,竟然放低形象將頭發扎起身,扮動畫《怪獸公司》入面嘅細路女阿Boo,造型好搞怪。

張繼聰喺社交平臺發文話∶「最近,有位小朋友迷上咗怪獸公司,怪獸大學。一日睇三次,每部。我話哂都聲演過毛毛,玩角色扮演我有信心,點知佢原來要我……」,睇嚟張繼聰對于囡囡嘅要求都覺得好無奈。

相信大家對張繼聰一定好熟悉,有時都可以睇到關於佢喺劇中講金句視頻,真係好攪笑,因此佢都被網友封為「金句王」。

張繼聰有份主演嘅《老表》系列、《收規華》、《忠奸人》、《幕后玩家》、《誇世代》等劇集反應都幾好。

不過呢幾年,張繼聰已經冇再主演TVB劇集,2017年臺慶劇《誇世代》係佢喺TVB主演嘅最后一部劇集,而佢喺2018年同TVB約滿后離巢。
張繼聰離巢最大嘅原因係因為經紀公司老板蕭定一,佢同TVB之間存在官非糾紛仍未解決,所以TVB決定停用其旗下所有藝人,其中就包括張繼聰在內。

其實,此前就有好多監制都好鐘意用張繼聰拍劇,但係佢哋都統一收到TVB通知,唔再搵張繼聰拍劇,甚至綜藝節目都唔可以。

張繼聰告別TVB熒幕之后,佢的確喺電影圈創出一片天,佢相繼主演咗《拆彈專家》、《低壓槽》、《泄密者》、《L風暴》、《P風暴》、《犯罪現場》、《肥龍過江》、《家有喜事2020》等電影,發展得相當順利。

missHk都希望兩家公司嘅官非盡快解決,希望仲可以再睇到張繼聰拍TVB劇集。

Like MisshkNews Facebook!不出门也能知天下事~

發佈回覆

你的電郵地址並不會被公開。