前「TVB小花」單身冇人追,唯有揼重本雪卵

前「TVB小花」李焯寧進入娛樂圈有十九年,參演近80部影視劇,喺拍完《金裝四大才子》之后,就畀觀眾封為TVB金牌丫鬟,喺之後好多部劇集中都以丫鬟為主。

李焯寧為TVB奉獻出自己十幾年青春,連婚姻大事都畀耽誤咗。

直到2017年,李焯寧準備40歲嘅時候,佢喺《使徒行者2》飾演終極臥底,終獲網民大贊,人氣急升。

現實中,李焯寧仲係單身狀態,為咗避免錯過女性生育嘅黃金時期,呢排佢諗住去雪卵。

日前李焯寧現身銅鑼灣一家醫療中心,見到佢登記身體檢查,更聽到佢同職員計劃雪卵。

事後記者向李焯寧求證,佢直認不諱:雪卵要過十萬,自己恨做媽咪恨到發燒,錢唔係問題。

其實今年40歲嘅李焯寧保養得相當唔錯,有身材都有樣貌,只可惜暫時冇遇到懂得欣賞佢嘅人。

最後,都係希望李焯寧喺之後嘅事業上可以有所成就,同埋可以覓得如意郎君,早日傳出好消息。

發表回覆

你的電郵地址並不會被公開。