前「TVB小花」宣佈改名兼簽新公司,發長文感嘆…

前「TVB小花」江若琳(Elanne)自從下嫁「生煎包王子」蕭唯展(前名:蕭潤邦)(Oscar)之後,專心經營貓酒店,兩公婆成日喺社交平臺放閃曬恩愛。

呢日,江若琳就以「雨過天晴」為題宣佈改名江伊晴

好多人以為江若琳係佢真名,但點知道呢個名係前公司幫佢起嘅,佢曬出咗幾張黑白照,意味住要同過去嘅自己講拜拜,佢話希望開啟新嘅人生篇章!

講到江若琳,其實當年佢拍攝電影《不離不棄》嘅時候,同大陸相聲演員曹雲金確定戀情,喺郭德綱同曹雲金微博大戰嘅時候,江若琳不顧流言堅定企喺曹雲金呢邊,并喺微博力挺,表現咗敢愛敢做嘅一面,可惜最後分手收科!

之後江若琳揾到真愛,佢係前組合Bliss成員、而家轉行賣生煎包嘅蕭潤邦(Oscar),最後蕭潤邦抱到美人歸,而江若琳宜家成為幸福人妻!

Like MisshkNews Facebook!不出门也能知天下事~

發佈回覆

你的電郵地址並不會被公開。