前「TVB小花」曾經畀批無婚結無仔生,現實……

TVB熱播劇《牛下女高音》,由一班中佬孭重飛,陽剛味好重,所以係時候要有女角中和一下,前「TVB小花」車婉婉就負責呢條同曾偉權、鄭敬基三角戀嘅感情線。

雖然劇中嘅車婉婉,仲未知道情歸何處,不過現實中嘅佢,當年曾經畀相士批無婚結兼生仔。

結果,車婉婉2010年搵到真愛,拍拖3年結婚,2017年仲以42歲高齡,生埋囝囝Justus,一家人溫馨又甜蜜。

車婉婉早年好沉迷塔羅同星座,後來同鄭秀文信咗天主教,上年喺分享會度,佢話成功反駁當年相士講嘅嘢,心情相當激動。

唔理點樣,宜家見到車婉婉同老公咁幸福,真係替佢哋開心,祝福你哋永遠幸福快樂。

發表回覆

你的電郵地址並不會被公開。