前「TVB小花」離巢15年,竟然對娛樂圈毫不留戀

前「TVB小花」鐘麗淇喺1995年參加完加拿大多倫多華裔小姐競選之后,喺1996年加入TVB藝員訓練班,畢業之后加入TVB正式出道。

鐘麗淇喺1997年參演由林保怡、陳慧珊主演嘅TVB系列電視劇《鑒證實錄》,飾演聶津津。

1998年鐘麗淇參演咗《刑事偵緝檔案III》飾演李思龍,并參與咗2003年臺慶劇《沖上云霄》飾演丘惠琪。

但自從2005年約滿TVB之后,鐘麗淇就開始淡出娛樂圈,轉做星級瑜伽導師,成為人妻并育有兩名女兒。

呢排,鐘麗淇現身清談節目《是敢的》錄影,當被問到係咪會復出拍劇?鐘麗淇坦言:「其實我對娛樂圈都冇留戀,自己又冇戲癮,所以唔會話掛住以前拍劇嗰陣。」

喺傾到人生中最困難嘅時刻,鐘麗淇表示:「好多人以為我最困難嘅係照顧患咗罕有基因病嘅大女,其實人生又點得一個困難,唔同時候有唔同困難,所以有人問我點破解困難,我認為樂觀同正能量就可以解決所有問題。」

唔理點樣,宜家見到鐘麗淇一家人咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。