前「TVB花旦」主持15年節目突然結束,轉行做…

移居加拿大多年嘅前「TVB花旦」李婉華,呢幾年為加拿大中文電臺主持節目,舊年9月份佢喺節目中播放「獨歌」之後,收到唔少當地華人投訴,更傳李婉華因此畀「封咪」。

李婉華話:「其實我做節目15年,當我收到消息突然結束我真係好難過,始終15年感情唔會一下放得低,好多謝支持我多時嘅聽眾同商戶,仲有一班同事同拍檔,互相支持鼓勵,最開心睇到佢哋成長。」

李婉華仲話:「我之前好少同世界各地朋友接觸同互動,直至我播出某首歌,得到好大回響,好多傳聞話我畀人滅聲,不過做人要展望將來,將多啲精神時間,做好《住加女人》頻道,希望大家支持我。」

現年51歲嘅李婉華曾經係90年代TVB當紅花旦,拍攝過多部劇集同電影,最為人熟悉嘅作品係經典劇集《卡拉屋企》。

當然李婉華最為人津津樂道嘅事,就係1989年因為拍攝處境劇《公私三文治》,佢同同劇拍檔吳鎮宇相戀,當時兩人相戀同居八年之後,感情卻無疾而終。

之後李婉華仲喺1998年到2001年間同何家勁相戀,可惜最後都係分手收科。

2001年年中李婉華喺加拿大同股票經紀李守正拍拖,兩個喺2003年6月於加拿大秘密結婚,之後李婉華退出娛樂圈定居加拿大溫哥華。

2018年9月李婉華短暫復出,客串TVB重頭劇《再創世紀》,佢喺加拿大外景同鐘嘉欣、林文龍拍乸演出,當時網友大贊佢係凍齡女神。

不過可惜嘅係,李婉華未決定全面復出,而係喺youtube開設頻道做KOL網紅,分享佢喺加拿大嘅生活點滴同下廚心得等等。

唔理點樣,都係希望李婉華喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發表回覆

你的電郵地址並不會被公開。