前「TVB花旦」幫仔女慶祝生日，細仔平頭好得意

前「TVB花旦」鐘嘉欣（Linda）經常喺社交平台分享仔女成長片段，今日佢喺社交平台曬出幫仔女慶生日嘅相，一家三口著上藍色溫馨親子裝，但老公Jeremy冇上鏡。

現場嘅布置同蛋糕都係以藍為主題，鐘嘉欣抱完細仔切蛋糕，又抱住大女切蛋糕，笑口吟吟，好溫馨。

而最搶鏡仲係細仔Jared仔嘅新發型，因為佢一出世已經有濃密嘅頭發，而家剪到短發，頭發兩邊又好似少咗一大塊，不過天然呆嘅萌樣依然係可愛到爆，眼仔碌碌，越嚟越似老竇。

鐘嘉欣留言話：“夏天完結，迎接初秋。今年夏天充滿美好回憶，我愛你Kelly同Jared。你哋大得好快，爸爸媽媽永遠會愛你哋，生日快樂！”