前「TVB花旦」曾溝盡香港富豪,而家暗撻男模影親密照

57歲嘅前「TVB花旦」關之琳同臺灣富商陳泰銘秘戀多年,更一直隱藏秘婚嘅夫妻關係,佢喺2015年突然間喺臺灣宣佈佢哋已離婚,消息震驚娛樂圈。

回復單身後嘅關之琳忙住搞時裝生意,得閑會喺社交平臺分享生活點滴,日前佢嘅好友楊小娟喺IG曬出咗關之琳喺自己1.5億豪宅睇雙彩虹嘅生活相。

唔單止咁樣,之前曾經係男模、宜家開咗公關制作公司嘅侯維德(Walter),亦有喺IG曬出咗喺關之琳屋企一齊睇雙虹嘅合照。

有眼利網民喺男模嘅IG帖文中,發現佢哋密密見,喺半個月內已經見足三次,月頭嘅一次亦係喺關之琳嘅豪宅,同場仲有關之琳御用化妝師。

見到男模更搭住關之琳嘅膊頭,寫住:「姐姐!我哋永遠美麗動人嘅姐姐!」,上星期六嘅3號風球又再聚,雖然有其他男友人,但仲係傳出姊弟戀。

Like MisshkNews Facebook!不出门也能知天下事~

發佈回覆

你的電郵地址並不會被公開。