前亞姐宣布接受追求,驚老咗無人理決定拍拖

前亞姐羅霖,唔好睇而家已經54歲,但佢保養得益,無論係外貌定身材仲係咁光彩奪目。呢日佢接受節目《關公與您》訪問,分享當年喺亞視嘅經歷同趣事。

羅霖透露:「其實一早就接受咗節目邀約,但之前要返大陸做嘢,所以一直都無時間,因為呢段時間得閑喺屋企,啱啱嚟履行之前嘅邀約。」

傾到最近嘅居家生活,羅霖指自己基本上都係留喺屋企,雖然買咗好多零食返屋企,但自己反而瘦咗,原來羅霖每日都有喺屋企做運動,以及播強勁音樂跳hip hop,既可以瘦身又可以減壓。

亞姐出身嘅羅霖,雖然喺亞視拍咗唔少嘅電視劇,但一直未能走紅。

到咗1995年,羅霖過檔TVB,喺情景劇《真情》中飾演唐雙雙一角而人氣急升,也成為咗羅霖唯一代表作性嘅電視劇作品,令到好多人都誤以為羅霖係TVB出身。

雖然羅霖因為「唐雙雙」一角色成功走紅,但佢喺1996年選擇嫁富商劉坤銘,之後選擇淡出娛樂圈專心做少奶奶,相夫教子。

結婚之後,羅霖先後為劉明坤生咗三個仔,一家五口生活得好幸福,喺外界嘅眼中,佢哋一直都係模范夫妻。

不過喺2012年,羅霖突然公開表示已經同劉坤銘分居三個月,兩個人喺2013年正式離婚,三個仔跟住媽咪羅霖生活,由於生活壓力,令到一直做少奶奶嘅羅霖復出,頻頻喺各種場合露臉,出寫真集同養生書,接拍劇集同返大陸做嘢。

近年嚟,羅霖身邊嘅追求者都唔少,但係佢一諗到3個仔都畢業咗,坦言:「要活在當下,愛得及時,而我擔心三個仔他日成家立室之後,自己就冇人理,所以而家要幫自己揾個伴。」

另一邊,羅霖前夫劉坤銘喺今年2月29日大擺筵席再婚,劉坤銘仲喺現場大唱詩《一生愛你》表達愛意,羅霖大方送出祝福,但係三個仔都冇前去參加老竇嘅婚禮。

唔理點樣,羅霖都算係苦盡甘來,都希望佢可以敞開心扉,早日揾到屬於自己嘅幸福。

Like MisshkNews Facebook!不出门也能知天下事~

發佈回覆

你的電郵地址並不會被公開。