前亞視花旦加入《愛回家之開心速遞》同大小姐做情敵

TVB處境劇《愛回家之開心速遞》到而家已經播出502集,劇組較早時舉行慶功宴,并宣布添食,至少會拍到720集。

曾經演出長篇處境劇《真情》嘅丹爺(劉丹)表示:「《真情》嘅集數總共播咗1128集,所以《愛回家之開心速遞》嘅目標應該系1129集,當然最好之后可以繼續播。」

《開心速遞》將會有新角色加入,前亞視花旦楊玉梅會飾演闊太招太,與送水輝有大量曖昧交流。大小姐同送水輝嘅感情線向來備受觀眾熱捧,而家大小姐似乎遇上咗情敵,未知觀眾會有咩反應。縱然楊玉梅未有透露會否成為送水輝同大小姐之間嘅第三者,但外間已為佢冠上咗「大小姐情敵」嘅稱號。

楊玉梅首度與送水輝合作,佢接受訪問表示:「第一次同送水輝合作,佢好專業演得好放。」楊玉梅透露送水輝將會有裸-露戲份,但楊玉梅指暫未與大小姐有對手戲。

初加入《開心速遞》大家庭,楊玉梅大贊劇組畀佢一種家嘅感覺,「雖然我只系新成員,但系大家都對我好好,而且劇組嘅臺前幕后工作人員都對我好好。」楊玉梅表示暫不能透露太多招太嘅背景,「需要保留神秘感,不過角色好有挑戰性。」

Like MisshkNews Facebook!不出门也能知天下事~

發佈回覆

你的電郵地址並不會被公開。