前港姐二胎繼續跟阿媽姓,圈外老公身份依然成謎

前港姐楊思琦(Szeki)自言有「阿Q精神」,不嬲我行我素,前年突然間推出性感寫真,無懼同一班𡃁模較量,今年2月份更生落第二胎,但圈外神秘老公始終不見蹤影,身份成謎。

據悉,當年楊思琦因為搭上吳帥受盡千夫所指,大女楊卓穎出世嗰陣,因為楊思琦唔想交代經手人係邊個,所以決定讓個女跟阿媽姓。

今次難得再見到愛情,楊思琦堅持將老公所有資料保密,囝囝出世紙會同家姐楊卓穎一樣跟阿媽姓,佢老公唔單止支持,仲畀楊思琦繼續做嘢。

事實上,楊思琦身邊嘅朋友從來未見過佢老公,而且每次問到幾時帶佢老公出嚟見面,楊思琦都話另一半係圈外人要保持低調,但佢經常大贊老公對佢好好,照顧屋企人又錫細路,更加不時感嘆愛情冇對錯。

(事後記者致電楊思琦,對于有指佢唔想公開老公身份,以免節外生枝,寧愿囡囡同阿媽姓)楊思琦未有否認,只簡短回覆:「我唔回應喇,多謝關心。」

講到楊思琦,其實佢喺2001年參選香港小姐奪得冠軍入行,同時仲奪得當年「最上鏡小姐」、「網上最奪目小姐」、「纖體美態獎」等六個殊榮,佢係香港小姐競選史上攞獎最多嘅冠軍佳麗。

楊思琦當選港姐冠軍之後,馬上獲得TVB力捧拍劇,曾經主演過多部經典劇集,有《強劍》、《突圍行動》、《天機算》、《鐵馬尋橋》、《千謊百計》等。

2014年4月楊思琦約滿TVB后決定唔續約,同TVB結束13年賓主關係,劇集《大藥坊》亦都係佢離巢告別作,之後楊思琦主要喺大陸發展,多以商演為主。

2019年中,楊思琦同圈外男友喺外地結婚,同年10月公布大肚嘅消息。楊思琦對老公嘅姓氏、職業保密,只強調係中國人,并以「愛的森林」嚟形容兩人關係。

唔理點樣,宜家見到楊思琦一家人咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。