前港姐何艷娟約滿離巢,休息半年去追夢

現年30歲嘅前港姐何艷娟,喺2018年同大自己36歲嘅澳博營運總裁吳志誠結婚,但呢段爺孫戀只持續8個月,當時有傳佢獲得3億贍養費。

 恢復單身后嘅何艷娟再被指有百億富豪同外籍男士追求,不過新聞一直傳,但就冇傳過佢復出拍劇嘅消息,日前何艷娟出席藝術展,透露宜家已經約滿離巢。

何艷娟表示:宜家計劃休息半年,想參與多啲慈善工作,仲會把握時間練琴、畫畫。

記者傾到拍劇嗰陣,何艷娟就話:「都有興趣嘅,我都有同《愛.回家》一班演員仲有聯絡,見到佢哋好有家嘅感覺,都想返去拍劇,不過暫時想學吓唔同嘅嘢,因為人生有太多嘢要學。」

講到何艷娟,其實佢畢業於香港大學法律系,喺2014年參選香港小姐競選,當年參選冧巴係7號,喺決賽勇奪季軍,亦係當年最後生嘅佳麗。

何艷娟加入TVB七年好少有工作機會,拍劇次數寥寥可數,講到出名嘅劇集得《宮心計2入宮計》同埋《愛回家之開心速遞》。

Like MisshkNews Facebook!不出门也能知天下事~

發佈回覆

你的電郵地址並不會被公開。