前港姐做紅娘，碩士課程畢業禮介紹男同學畀「長腳蟹」

日前，前港姐劉思希就忙住為TVB處境劇《愛回家之開心速遞》拍攝，除咗拍戲外，佢都要兼顧喺香港科技大學修讀嘅行政工商管理碩士（EMBA）課程。

日前《愛回家之開心速遞》嘅呂慧儀、湯盈盈同張景淳出席佢畢業禮，「長腳蟹」呂慧儀今朝喺IG曬出合照，爆劉思希原來想做紅娘，為單身嘅呂慧儀覓第二春，千叮萬囑呂慧儀要去觀禮，因為劉思希想介紹自己嘅男同學畀呂慧儀識。

不過呂慧儀心有所屬，而且緋聞男友張景淳當日唔避嫌現身，睇嚟兩個人感情相當穩定，呂慧儀好似為咗保護戀情，所以專登唔曬有張景淳嘅相。

佢話重返香港科技大學，亦勾起喺母校讀書時期嘅會議，寫道：「可以返母校嘅感覺好好，好多回憶好多感動，我喜歡愛讀書嘅人，欣賞你努力不懈，為你覺得驕傲！」呂慧儀更相約劉思希下次一齊返母校行一行，著上畢業袍再影相。