前港姐傾到入行經歷,一定要保持樂觀態度,唔好同人比較

日前,前港姐劉穎鏇就為皮革產品拍攝廣告,而呢個廣告就以“女生說故事”為主題,見到佢以多個唔同造型示人,均以白色為基調,塑造出少女、優雅女人同女強人三個唔同嘅形象,真係形象多變。

經過呢次嘅廣告拍攝,劉穎鏇傾到自己嘅成長經歷,包括啱啱入行時嘅所感所想,以及對演藝事業未來嘅憧憬。

她話:”19歲嘅時候,對所有事物都懵懵懂懂,凈係識得同朋友蒲。20歲我成為演員之後,有好多學習嘅機會,人生經驗令我變得成熟。”

至於點樣保持自信,佢話:“我認為唔需同人比較,因為咁樣會忽略自己嘅優點,要保持樂觀心態面對,亦可以定立新目標或者挑戰新事物,當成功之後可以獲得滿足感。”

1997年出世嘅劉穎鏇,自細運動細胞就較為發達,擅長打籃球嘅佢喺高中時期就已經參與咗唔少女子籃球賽,甚至仲曾經獲得第二名好成績。後來喺加州大學海濱分校工商管理係畢業,之後佢就回流到香港發展。

同大多數藝人一樣,劉穎鏇喺2016年嘅時候參加咗《香港小姐競選》,喺賽前就畀視為大熱門嘅佢,最終不負眾望獲得“亞軍”、“最上鏡小姐”同“現場最受歡迎佳麗獎”三個大獎,喺選美結束之後開始發展其演藝事業。

啱啱進入TVB,劉穎鏇主要擔任《學是學非》主持,并憑借其“是非精”嘅形象而成功入屋。

之後佢又喺《3日2夜》中大騷好身材,獲得唔少網民嘅熱捧,除此之外,劉穎鏇開始參與劇集演出,比如《溏心風暴3》、《兄弟》等。

據悉,喺跟住落嚟嘅新劇《唐人街》中劉穎鏇同樣有份演出,唔知到時佢又會畀我哋帶嚟點精彩噶表現呢?大家不妨一齊拭目以待啦!

發表回覆

你的電郵地址並不會被公開。 必要欄位標記為 *