前港姐公然「網上拉客」,畀爆可以提供絲襪誘惑

香港小姐呢幾年經常畀卷入「不雅照」風波,好似出爐冠軍謝嘉怡較早前畀卷入「不雅照」事件,兩張疑似佢大尺度「不雅照」喺網上癲傳。

好彩相中女子心口嘅痣同謝嘉怡嘅有所不同,佢先可以成功脫嫌,但香港小姐陷入「不雅照」風波卻一直未有停止。

2017年港姐亞軍何依婷憑借節目《學是學非》而成功入屋,較早時佢喺劇集《機場特警》中著短褲坐楊明大髀嘅一幕,更加掀起全城熱話。

可能人紅自然是非多,何依婷呢排竟然畀本地一個咸濕網站「垂青」,仲特別選用一張意態撩人嘅相嚟吸客。

呢個網站將何依婷冠以「小仙女Baby」稱號,又形容佢係高質後生靚索女「好吸睛」,并指佢可以24小時提供「服務」,甚至標出價錢,用字相當露骨!

事后記者致電何依婷,佢受訪時表示好震驚:「咁恐怖?會交畀公司處理。」

記者問到會唔會擔心影響港姐形象?何依婷表示唔擔心:「張相畀人盜用,你唔講我都唔知呢件事,正常我都唔會去呢類網站。總之一切交畀公司處理。」

講到何依婷,其實佢喺2017年參選香港小姐獲得亞軍,選美結束之後就簽約TVB,開始主持兒童節目《Think Big天地》,由于何依婷樣貌清秀,身材姣好,所以一直備受網友關注。

但呢排何依婷突然宣佈自己喺《Think Big天地》中正式畢業離開,并表示呢兩年嘅時間令佢覺得好不舍,仲講希望喺其他節目見面。

其實何依婷并非一帆風順,喺前年何依婷同《Think Big天地》嘅主持人上其他節目發表言論,惹節目主持人林盛斌不滿,現場教訓過佢哋。

不過何依婷喺社交平臺透露自己已經參與到TVB新劇《陀槍師姐2020》嘅拍攝中,好快都有新角色同大家見面啦。

唔理點樣,梗係希望何依婷可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。