前港姐兼顧工作不忘湊仔女,開直播卸妝好有勇氣

前香港小姐陳倩揚2015年與TVB約滿之後離巢,已經係3個仔女嘅媽咪,近年除咗主持港臺第一臺節目《精靈一點》同港臺電視節目《平時八點半》,仲有擔任活動司儀。

同時亦有加入KOL網紅戰場,分享美妝同親子生活,較早前更直播卸妝,以真面目示人,真係好有勇氣!

陳倩揚而家育有三個仔女,由于兩個工人姐姐同時離職,所以佢呢段時間全力負起照顧家庭嘅責任,買餸煮飯洗碗一腳踢,同時又要做電臺主持、活動司儀,都冇停止直播分享,為母則強,好犀利!

陳倩揚表示:“其實一定唔會係用辛酸嚟形容,一直以來都係自己嘅選擇,二來見證住幾個小朋友嘅成長,帶小朋友的確係唔易,每日都同佢哋同步學習、共同成長,做媽咪嘅路上充滿挑戰,邊做邊學,冇話辛唔辛苦,呢啲全部都係開心嘅印記,每一刻都充滿驚喜同滿足。”

發表回覆

你的電郵地址並不會被公開。 必要欄位標記為 *