前港姐冠軍未婚生女,坦言唔抗拒再生小朋友:睇有冇機會

40歲似乎系一個里程碑,啱踏入“4”字頭嘅楊思琦,先系推出咗性感寫真,以紀錄依舊美貌嘅自己,甚至寫真嘅成績口碑比起同期嘅“嫩模”仲要好得多。作為單親媽媽嘅佢嚟講,好似希望可以喺噉嘅年紀,嘗試更多新挑戰。

楊思琦寫真集《miss szeki 2018》

楊思琦話:“40歲系一個特別嘅年紀,之前就拍過寫真做慈善,之后有同人講過我好中意唱歌,自己喺電視臺都唱過兒歌,曾經攞過獎,都唱過電視主題曲,所以不如嘗試出首單曲。」

佢仲繼續講:“好多人覺得森林系茂盛、嫩綠、豐富、好多姿多彩,又有人覺得愛情系好冒險,可能對愛情有唔同睇法,我會唱下自己嘅經歷,同大家分享一下,希望大家都有同感。”

不過今年已經41歲楊思琦依舊單身,感情空白,好似佢喺內地拍完《80度愛戀》中飾演嘅女強人,感情世界復雜有曲折,所謂“戲如人生,人生如戲”,呢個角色仿佛講嘅就系現實當中嘅佢。

雖然楊思琦系單親媽媽,但系佢對于感情依舊期待,佢話:“我覺得都系不過不失啦!最開心系有咗小朋友,將感情轉移到屋企人嘅愛,其余對愛情都好期待嘅,睇下幾時來臨。”

楊思琦話:“每個人都有唔同嘅經歷,可能同其他人比唔知道多還系少?”。

1978年生嘅佢同大多數藝人一樣,都系通過選美入行,參加《2001年度香港小姐競選》嘅佢唔單止贏得咗冠軍,仲橫掃咗“最上鏡小姐”等六個獎,也成為咗香港小姐史上攞獎最多嘅冠軍佳麗。

喺加入TVB之后,楊思琦參與咗唔少嘅電視作品,譬如《繾綣仙凡間》、《懸案追兇》、《無名天使3D》、《青出於藍》、《甜孫爺爺》、《人生馬戲團》、《鐵馬尋橋》、《法證先鋒2》、《千謊百計》等。

數數手指,而家佢個女都已經6歲大,但系楊思琦對于婚姻依舊充滿憧憬,佢話:“可能冇結過婚,都好想結婚,而家都有追求者,希望快啲遇到真愛。我唔抗拒再生小朋友,因為自己都好中意,仲有我個女成日問我幾時有細佬,佢好想有一個細佬,睇下有冇機會,唔勉強嘅。” “當相信愛情靠信任,要找的人憑我用決心吸引……”希望楊思琦可以早日覓得如意郎君,組建一個屬於自己的小家庭,祝福祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。