前港姐升呢做「TVB親生女」,直言希望同古天樂拍劇:佢好正

日前,前港姐簡淑兒出席咗電影首映禮,因為舊年尾同經理人公司嘅合約問題而畀TVB雪藏,令佢有份演出嘅《大帥哥》同《救妻同學會》,喺播出時冇得出席宣傳活動,當時佢表示與經理人公司仲有半年合約,去向未定。

呢排簡淑兒終于與前公司約滿,而佢都簽約TVB成為旗下「親生女」,其實一直以嚟簡淑兒喺劇集中表現得相當唔錯,深得觀眾喜愛,劇接劇嘅佢備受賞識,宜家正式升呢做「親生女」,相信之後會發展得越嚟越好。

傾到呢次同TVB簽約年期長短,簡淑兒就表示:「都OK,接受到。(跟住劇接劇?)未有住,宜家拍攝緊一個綜藝節目,其實簽約都系想拍攝多啲劇。(最想同邊個合作?)好多,但最想就係古天樂,希望佢返TVB拍劇,佢好正。」

而曾經係女子組合「少女標本」出道,之后亦有單飛出歌,所謂「肥水不留別人田」問到會唔會加入星夢做吳若希、菊梓喬師妹,簡淑兒就表示:「應該唔會,因為有合約唔會咁轉,而且我主力想拍劇,唱歌就暫時放低先,以前都只係一年出一首歌,希望大家知道我係演員身份。」

1989年生嘅簡淑兒,8歲嗰陣就移民到美國生活,主修心理學同副修藝術設計嘅佢,喺美國紐約帕切斯分校州立大學畢業。之後佢喺2012年嗰陣就回流返香港,參加《香港小姐競選》,雖然最後落選,但係備受賞識嘅佢,喺選美結束之後就進入到TVB開始發展其演藝事業。

期間,佢曾經參與演出過唔少嘅劇集,比如《愛·回家之八時入席》、《律政強人》、《迷》、《超時空男臣》、《波士早晨》、《平安穀之詭穀傳說》、《救妻同學會》、《大帥哥》等。

據悉,喺跟住落嚟嘅新劇《C9特工》中簡淑兒同樣有份演出,唔知到時佢又會畀我哋帶嚟點樣精彩噶演出呢?大家不妨一齊拭目以待!

發表回覆

你的電郵地址並不會被公開。 必要欄位標記為 *