前港姐升呢做婆婆,細仔喺屋企簽字結婚

王愛倫喺1985年參加過香港小姐競選并獲得季軍,佢育有兩個兒子,大仔曾經同「TVB小花」周家蔚拍拖,身邊嘅女伴好多,而細仔就比較專一。

最近,王愛倫細仔林建龍同相戀7年嘅烏克蘭名模女友Olga Verbych,喺社交平台報喜,佢哋正式拉埋天窗,名模女友Olga Verbych仲喺社交平臺分享兩個人嘅婚戒相。

而啱啱升呢做婆婆嘅王愛倫表示:婚禮喺6月7日舉行,細仔同家嫂喺屋企、律師朋友見證之下,進行咗簡單嘅簽字儀式,王愛倫表示由於親家遠在俄羅斯,冇得嚟香港,唯有喺網上直播見證。

講起王愛倫,佢曾經喺細個嗰陣就參與過好多劇集嘅錄制。喺1985年王愛倫參加香港小姐競選,仲獲得咗季軍好成績,當年嘅冠軍係謝寧,亞軍係羅錦如。

冇幾耐之前,賭王何鴻燊因病逝世,何鴻燊曾經喺1985年擔任過香港小姐嘅司儀,佢大贊季軍王愛倫嘅個鼻又高又直,同自己嘅差唔多,同時表示對方率直又熱情。

當年賭王喺選美現場提問:「幻想一下呢個時刻,現場所有人全部停頓,凈係得我一個人可以喐,你估我會做啲乜?」王艾倫話:「我諗你會錫我。」答案令賭王同在場嘅觀眾都鼓起掌嚟。

唔理點樣,宜家見到王艾倫細仔林建龍同烏克蘭名模拉埋天窗,祝福佢哋新婚快樂,早生貴子。

Like MisshkNews Facebook!不出门也能知天下事~

發佈回覆

你的電郵地址並不會被公開。