前港姐同袁偉豪分手之后，終于有咗外籍新歡

前港姐岑杏賢（Jennifer）同「TVB小生」袁偉豪拍拖3年幾，曾經揚言計劃結婚但最終喺2016年分手收科，甩拖之后，岑杏賢多次表示恨拍拖，幾個月前終於自爆有新歡。

岑杏賢同34歲加拿大籍、任職金融界嘅新歡Kelvin拍拖數月，兩個人喺朋友嘅婚宴上認識，極速打得火熱，并表示已經見咗家長，感情穩定。

連日忙住拍劇嘅岑杏賢，日前唔使開工，竟然冇爭取時間同男朋友二人世界，反而做孝順女陪媽咪行街飲茶。

當日約三點幾，兩母女搭的士離開將軍澳寓所前往觀塘，着短裙曬腿上陣嘅岑杏賢落車差d險走光，見到佢急急腳掩住條群，兩母女一齊行去附近餐廳，有愛情滋潤嘅岑杏賢明顯發福唔少！

當岑杏賢坐低嘅時候，一對肉騰騰大髀「咇」出贅肉，平時嘅瓜子面亦變得脹卜卜，驚現雙下巴。兩母女食咗個幾鐘先走，岑杏賢不時叉腰同拍拍肚腩，好似食得太飽，未幾耐佢就同媽咪翻歸。

睇嚟岑杏賢宜家有愛情滋潤，個樣都會變得發福唔少，都係希望岑杏賢喺之後嘅事業上可以有所成就，同埋希望岑杏賢可以早日傳出好消息。