前港姐咳血入院求醫,已經無法正常食嘢

前港姐呂慧儀,近年憑借《愛回家之開心速遞》爆紅,喺劇中與張景淳大受歡迎,兩個人嘅cp形象深入民心,更因此一度傳出戲假情真嘅拍拖緋聞,可見觀眾幾鐘意佢哋。

事業得意,但母兼父職嘅呂慧儀,較早前更加因為頻撲到唔記得食嘢而喺屋企暈咗,之後又接二連三發生意外,認真係好黑仔!

日前,呂慧儀喺社交平台留言,指自己食飯嗰陣不慎卡住魚骨喺喉嚨內,隔咗兩日,呂慧儀透露自己因為魚骨導致身體不適而入院求醫。

呂慧儀仲話:「咳唔出魚骨,但咳出血,頑強嘅魚骨!仲要去睇醫生。」由於魚骨卡住之後,呂慧儀幾日未能正常食嘢,所以佢終于忍唔住去睇醫生。

點知道「黑開有條路」,呂慧儀喺醫院排隊期間,竟然仲遇上醫院定期走火警演習,期間大家都要配合進行演習逃生,就連原本已經身體不適嘅呂慧儀亦要配合,認真係禍不單行!

經過醫生診治之後,呂慧儀已經順利拎出卡喺喉嚨內嘅魚骨,之後呂慧儀亦有發文報平安:「就係因為你(魚骨),餓咗我幾日,Thank you so much doctor!」

希望呂慧儀早日康復,各位朋友都引以為戒,如果食嘢不慎畀魚骨卡住,一定唔可以盲目自救,最好係求助專業醫生,以免造成二次傷害。

發表回覆

你的電郵地址並不會被公開。