前港姐林凱恩無論喺《愛回家之開心速遞》定係社交平臺出相，都係清純密實，但係嚟到新一年，林凱恩就突然間喺社交平台曬出一輯性感相，驚訝原來林凱恩「咁有料！」
林凱恩喺社交平台留言話：「Girl, Be Your Own Boss ? New Year ̶N̶e̶w̶ ̶m̶e̶ Better me ♥️ #freshstart #2021」之后江嘉敏回復話：「嘩，好正吖！點解我冇望過真人㗎！」
亦有粉絲留言引用《愛回家之開心速遞》經典台詞：「道德淪亡，愧對圣賢，罰抄道德經。」而林凱恩喺回應傳媒時就話唔係轉行性感，只係希望偶然以新型象示人。
講到林凱恩，其實現年28歲嘅林凱恩喺2015年參加香港小姐競選，雖然落選港姐，但都攞到咗當時嘅友誼小姐好成績。
喺選港姐嘅時候就有好多網民留意到林凱恩，因為林凱恩同前TVB當家花旦佘詩曼生到好似樣，紛紛稱其為「翻版佘詩曼」。
林凱恩入行五年嘅時間，就已經喺多部重頭劇中嶄露頭角，好似《幕後玩家》、《降魔的》、《降魔的2.0》等等，不過真正上位嘅作品仲係處境劇《愛回家》。
較早時林凱恩喺《降魔的2.0》飾演大反派，獲得唔少網民大贊其演技精湛，希望TVB可以畀佢多啲嘅機會。
冇过幾耐，林凱恩又有一部新劇《逆襲人生》（暫名）即將開拍，呢次將會同譚俊彥、劉佩玥、鄧佩儀等主演。喺呢部劇林凱恩飾演一位大地產嘅千金，喺外國讀書回流係一個敢愛敢恨嘅角色。
事關林凱恩朝早為《愛回家之開心速遞》開工，而夜晚就喺劇組《逆襲人生》開工，對于一日拍兩部劇集，林凱恩并冇覺得辛苦，反而話自己噉楊更似一個演員。
唔理點樣，都係希望林凱恩喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
