前港姐喺《機場特警》有性感戲,自爆會喺夜晚補償男友

2017年香港小姐亞軍何依婷(Regina)日前出席劇集《機場特警》嘅宣傳活動,估唔到平日溫文爾雅嘅何依婷,呢次要佢飾演一個十足港女性格嘅KOL網紅「李至安」。

何依婷仲話:「我同楊明飾演情侶,劇入面要經常蝦佢。我係喺香港出世,係一個香港女仔,所以形容我係港女好貼切。」

何依婷表示,拍劇嗰陣會代入角色并誇張噉演出,佢仲自爆喺《機場特警》有一場性感戲。

記者問到係咪會同男朋友報備呢?何依婷就話:「首先我要有男朋友先,可能會喺夜晚補償嚇佢,做下家務,煮餐飯畀佢食。」

記者畀問及有乜擇偶條件,現時單身嘅何依婷就話:「其實我唔敢諗咁多,都唔敢去要求人太多,我唯有做好自己。」

何依婷仲話:「例如我希望有一個好體貼嘅另一半,但唔會要求佢好體貼,因為我首先要做到呢件事,所以,我唔會對另一半有太多要求,只希望可以做到互相尊重同體諒,都係兩個人相處最重要嘅一件事。」

入行差唔多有兩年嘅何依婷,佢傾到之前會計師份工作,佢話:「會計師工作穩定,雖然每年都會加人工的,但好多時候唔單止睇錢,我覺得得開唔開心係好重要嘅,而自己算係幸運,入行到而家嘅收入都唔至於好差。」

今年先26歲嘅何依婷,正處于自己事業發展嘅黃金時期,相信佢嘅事業發展得越嚟越好,期待佢嘅表演,加油!

Like MisshkNews Facebook!不出门也能知天下事~

發表回覆

你的電郵地址並不會被公開。