前港姐夏天拍古裝新劇，要帶兩套底衫換

前港姐湯洛雯（靚湯）喺將軍澳電視城為新劇《一笑渡凡間》開工，湯洛雯喺劇中飾演捕快，記者講到呢排天氣咁熱拍攝古裝劇辛唔辛苦？

湯洛雯笑住話：「好在今日冇咁熱，前幾日就熱到出汗，有D同事仲差啲焗親，我就OK，因為我同蕭正楠拍攝《翻生武林》都係最熱嘅時間拍，都習慣咗夏天拍古裝。」

問到可乜消暑良方？湯洛雯話：「其實都冇，我就準備兩套底衫換，每換一次衫都會換底衫，如果唔帶就要去沖涼，仲有兩把電風扇跟身。」

講到朱智賢同黎振燁發生偷食單嘢之後，有指謝東閔曾經同佢暗交，湯洛雯話：「之前都有回應，呢次唔回應喇，唔係事實唔回應。」

呢排湯洛雯劇接劇，日前佢繼續曬出新劇《一笑渡凡間》造型相，湯洛雯喺新劇中飾演女捕快，呢個造型又幾型格！