前港姐幫富豪老公慶祝生日飛法國,真係甜蜜到爆炸

32歲嘅前港姐李美慧,舊年宣佈嫁55歲富商曾文豪,同年畀傳媒爆出大肚喜訊,喺2018年10月23日李美慧為老公誕B女「小糖心」,正式升呢做人母。

轉下眼,B女已經過半歲,日前係曾文豪生日,李美慧現身社交平臺曬出一家三口慶生幸福靚相,場面真係好溫馨有愛。

據悉,李美慧曾文豪帶住個女「小糖心」,與曾文豪二女兒Alison一家(前妻所生),齊齊出埠飛去法國旅行,盡享天倫之樂。身為24孝老婆嘅李美慧,更為老公準備咗兩個生日蛋糕,而二個女Alison就為爸爸親自下廚,相當有心思。

從相中可見,曾文豪一隻手攬住孫女Kaia(二女兒Alison所生),另外一隻手就攬住細女「小糖心」,全程笑到見牙唔見眼嘅佢,相信呢個生日都過得相當之盡興!

李美慧更開心留言謂:「Happy Birthday老公大人!」認真幸福!

據知,李美慧原名叫做李斯庭,佢系喺家中獨女,成長喺單親家庭。早年,李美慧曾經定居喺北京生活,2003年佢畢業于北京舞學院民族舞大學,之後又參加鳳凰衛視舉辦嘅中華小姐環球大賽,最後勇奪最佳才藝小姐殊榮嘅佢,成為咗年紀最細嘅報名佳麗。

2006年,李美慧再接再厲參加香港小姐競選,雖然最終落選未能晉身三甲,但係獲得無線賞識,成功加入第21期藝員訓練班。

出道到而家已經13年嘅佢主力拍劇,到而家已經喺多部無線劇集中亮相,不過大多數角色嘅戲份唔多,早期更經歷漫長茄喱啡生涯。

2012年,李美慧曾經離巢TVB外闖,轉投到HKTV旗下發展,不過3年幾時間就宣佈重返TVB繼續拍劇,并憑借回巢之作《愛回家之開心速遞》人氣急升。近年,李美慧嘅人氣持續上升,事關佢舊年喺人氣劇集《深宮計》中表現出色,令人難忘。

佢喺劇中飾演反派秦家令一角,功夫了得身手不凡,演技亦慢慢獲得觀眾關注,近年佢成為TVB總監制梅小青常用嘅綠葉演員之一,曝光率同戲份越嚟越多。期待李美慧繼續為觀眾帶嚟精彩作品,加油!

Like MisshkNews Facebook!不出门也能知天下事~

發佈回覆

你的電郵地址並不會被公開。