前港姐蔡思貝性感現身環保活動，著上前後DeepV白色短裙，大騷長腿同美背相當吸睛！佢笑言係配合環保主題所以著得清爽一啲。
蔡思貝嘅緋聞男友余德丞，呢排因為與周秀娜一齊慶生而傳出戀情，蔡思貝再三強調對方係佢好朋友、工作夥伴，對于朋友嘅緋聞，佢表示唔會去八卦。
蔡思貝指呢排要拍劇，一拍劇就會消失，每日拍完就返屋企溫書背劇本，屋企人同朋友都好少見，中秋先一齊食飯。而對上一次見余德丞，仲係香港小姐決賽，當日都係工作所以都未有時間請佢食生日餐。
其實，呢排蔡思貝趕住拍《使徒行者3》，佢表示大約會拍到十二月，佢表示主要都係同林峯、張振朗、黃智雯同馬國明嘅對手戲比較多。
問到有傳原先女一位置嘅佢，畀華姐林宣妤取代一事，蔡思貝就表示：”《使徒行者》劇集前兩部咁成功，有得參與第三套已經好榮幸。”
其实蔡思貝2013年以港姐亞軍身份入行，短短5年已經爬到TVB一線花旦嘅地位，梗係有其個人吸引之處，而佢嘅特質，可塑性強、美態同運動型絕對係佢最大賣點。
雖然蔡思貝經常飾演警察，但唔代表佢只限于呢類型角色，尤其最印象深刻一定係《踩過界》中飾演哨牙妹趙正妹（癲姐）一角，形象深入民心，misshk到現時一提蔡思貝就浮起嗰個畫面。
《大帥哥》里面嘅章沅婉充滿熱血、沖動，雖然同癲姐有啲相同，但卻飾演多咗一種正義感覺。
喺《鉄探》嘅第二集，佢飾演一個吸入過量毒品嘅臥底，演出相當迫真！
至於運動型，佢係TVB出名嘅女運動王，專練長跑嘅佢更試過1小時37分40秒跑完半馬，成績相當好。
唔理點樣，梗係希望蔡思貝可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
