前港姐拋胸Chok爆擺甫,似足名模上身

前香港先生袁偉豪不嬲鐘意影相,佢經常親自操刀為港姐老婆張寶兒(Bowie)拍攝火辣寫真靚相,另外仲大方曬到社交平台同大家分享。

呢日佢哋再有新搞作,張寶兒以淺黃色西裝外套內襯黑白花紋小背心上陣,露出小蠻腰,再配搭黃色小手袋,造型襯到極!

另外,見到張寶兒坐喺太陽傘下,屈膝托頭大擺Chok甫,好似名模上身一樣,之后再俯身「拋胸」,細露事業線,錫士之餘更充滿格調。

講到張寶兒,其實佢講得上係內外兼備嘅千金小姐,曾經修讀工商管理嘅佢,雖然有個富爸爸張煌煌,但佢大學畢業之後選擇喺盛世廣告數碼做項目經理,同喺李錦記健康產品集團做產品發展經理。

選完港姐之後,張寶兒得閑嗰陣會幫老竇打理生意,身為長女嘅張寶兒或者會係內衣生意繼承人,佢老竇投資有道,除咗喺跑馬地持有三個物業之外,前年更一口氣掃入清水灣傲瀧四個單位,物業市值更超過3億元。

咁優秀嘅張寶兒,竟然睇啱咗比自己大10年、學歷低、出身普通屋邨嘅前香港先生袁偉豪。據悉,佢哋喺三年前非洲拍攝《打工捱世界II》而相識相戀。

據悉,當年袁偉豪同舊愛岑杏賢分手半年,更畀傳媒指出袁偉豪一走紅就拋棄陪佢捱窮捱苦嘅女友,之後更火速搭上張寶兒。

不得不說,袁偉豪眼光真係好好,宜家見到袁偉豪同張寶兒咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。