前港姐挺八個月巨肚飛美國旅游,享受最後嘅自由

現年32歲嘅前TVB力捧小花馬賽,喺今年一月宣布與內地圈外男友結婚嘅消息,當時佢曬出與老公嘅結婚相,馬上引起大批網民關注同祝福,冇幾耐,傳媒又爆出馬賽奉子成婚嘅消息,指佢其實早已經佗B。

轉眼,而家已經佗B八個幾月嘅馬賽臨盆在即,日前佢就同屋企人齊齊飛到美國西岸享受自駕游,期間游遍赫斯特城堡同舊金山漁人碼頭等著名景點。

連日嚟,馬賽喺社交平台曬出一系列嘅旅行靚相,并留言表示要享受BB來臨前,最後嘅自由!

相中可見,馬賽雖然身穿松身的衣服,但還是明顯見到巨肚,不過有線民就表示馬賽的部分大頭自拍更面尖尖「零孕味」,完全沒有水腫問題,果然得天獨厚。

其實,早喺上個禮拜母親節嘅時候,馬賽已經母性大發,趁住即將榮升做媽咪之際,去拍攝咗一輯大肚靚相,當時佢同樣喺社交平台曬出幾張相,相中見佢摸著巨肚全程甜笑,顯得好開心,好幸福。

佢仲留言期待BB嘅來臨:「做咗好多年嘅狗仔媽咪後,今年終于升呢做BB媽咪!人生又一個新階段,大肚嘅一路上都有好多新嘅感悟,每一個媽咪都系咁平凡又偉大嘅,祝愿天下所有媽咪母親節快樂。」

相信大家對馬賽都好熟悉,雖然佢已經離巢TVB好多年,但佢曾經系無線力捧嘅小花,曾經喺多部劇集中擔任重要角色同戲份。

據悉,馬賽原名其實叫司馬賽兒,祖姓司馬,佢系喺入行之後先改用藝名。

2008年,馬賽參加《香港小姐競選》并勇奪季軍同最上鏡小姐大獎,之後佢就順簽約TVB旗下發展。

2010年,馬賽接拍首部無線劇集《女王辦公室》,令佢人氣急升、知名度大增,之後,馬賽深受TVB重視同力捧。

2015年12月,馬賽約滿無線并宣布離巢發展,正式與TVB結束長達七年嘅賓主關系,而劇集《東坡家事》就系佢喺無線嘅告別作。

同年,馬賽宣布重新使用原名司馬賽兒,繼續活躍喺娛樂圈發展。

 

發表回覆

你的電郵地址並不會被公開。 必要欄位標記為 *