前港姐接花球再畀催婚,最介意講男友畀講「食軟飯」

前港姐莊思明同「TVB小生」楊明喺拍攝《愛回家》嗰陣相識并相戀,當時佢哋畀影到甜蜜拖手,之后承認拍拖,多年嚟感情穩定,成日都喺社交平臺上放閃騷恩愛。

最近莊思明嘅家姐莊思敏同臺灣奶茶鋪頭老板閃婚,喺婚禮現場,接到花球嘅莊思明同楊明相視而笑,於是網友又開始催婚,希望楊明同莊思明可以早日拉埋天窗。

喺莊思敏結婚儀式嘅過程中,進行咗新娘子傳統拋花球,但最后由內定嘅人選妹妹莊思明獲得,莊思敏將花球準確咁扔喺咗莊思明面前。

而莊思明回應傳媒時開心嘅話:「首先要恭喜家姐,我哋一家人都好開心,而家佢終于揾到一個可以托付終身嘅人,梗係好開心。」

講到莊思明,其實佢喺2010年參選香港小姐,最后順利獲得季軍殊榮,佢係馬來西亞華僑,老竇係大馬拿督莊寶,家族生意包括珠寶、紙業、娛樂同地產投資,爸爸曾經係香港上市公司中國光大控股嘅主席身家過8億。

莊思明入行以來有過兩段拍拖,佢喺2011年曾經同陳慧琳細佬陳司翰拍拖,兩個人拍拖多年經常發生沖突,曾經被拍到喺中環嘈交,三離三合最后分手收科。

正因為莊思明家境富裕,所以佢同楊明拍拖咁多年,總係有人話楊明「食軟飯」,對此莊思明其實好介意,莊思明曾經社交平臺發聲,聲稱男友并冇用過自己一分一毫,男友仲主動承擔起兩個人嘅平時生活支出。

呢幾年,有好多人都話莊思明旺夫,因為楊明自從同佢拍拖以嚟,演藝事業發展越嚟越好,喺TVB逐漸上升到一線位置,而且楊明嘅燉湯店生意都唔錯,莊思明仲成日去男友鋪頭幫手。

之前莊思明成日攞家姐莊思敏嘅婚禮做擋箭牌,而家家姐已經嫁人,都應該輪到佢同楊明啦,希望佢哋早日拉埋天窗,早日可以生個可愛嘅寶寶。

Like MisshkNews Facebook!不出门也能知天下事~

發表回覆

你的電郵地址並不會被公開。