前港姐揸車撞貨車,私了賠一千!

尋日,前港姐湯洛雯(靚湯)畀傳媒爆出喺將軍澳環保大道發生輕微交通意外,據悉當時湯洛雯揸車準備切線時,期間卻不慎碰撞到一部輕型貨車。

之後,湯洛雯更即場落車同貨車司機交涉,最終雙方同意私了,由湯洛雯賠償貨車司機一千蚊了事,雖然兩部車只係發生輕微碰撞交通意外,但由于呢段路車流量較大,該事故亦造成現場大塞車出現長車龍。

記者隨後聯絡上湯洛雯采訪撞車一事,湯洛雯話:「嘩!你哋咁快就知道啦!其實都唔算係撞車,只係大家輕微掂咗一下啫,冇事冇事,大家都冇事,最緊要係大家安全,好快就和解咗啦!」

講到湯洛雯,其實2012年湯洛雯報名參加香港小姐競選,雖然最後落選港姐,但仲係橫掃咗“旅游大使獎”同“美麗升華大使獎”兩個獎項殊榮,選美結束之後,湯洛雯就獲TVB高層賞識,簽約TVB旗下發展,并主力接拍電視劇。

2013年,湯洛雯憑處境劇《愛回家》人氣急升,佢喺劇中飾演李思思一角大獲好評,成功入屋,雖然係新人,但佢演技就備受外界嘅贊賞同關注。

“湯洛雯 港姐”的图片搜索结果

次年,湯洛雯又獲捧加盟超人氣節目《學是學非》中,成為主持之一,隨著節目嘅熱播,佢嘅人氣再次急升,知名度亦逐步提升,星途亨通嘅湯洛雯,跟住繼續喺多部劇集中亮相,戲份都越嚟越重。

唔理點樣,梗係希望湯洛雯可以繼續畀我哋帶嚟多啲更精彩噶演出,期待佢嘅表演!

發表回覆

你的電郵地址並不會被公開。 必要欄位標記為 *