前港姐新劇演技獲讚,綜藝、演戲兩線大發展

TVB熱播劇集《智能愛人》由主角李佳芯飾演阿寶,佢喺古家生活,繼續攪出唔少笑料,呢集劇情講到前港姐麥美恩飾演嘅古家儀,更加揭示咗佢經常嘻皮笑臉背后嘅原因。

麥美恩指出自己嘻皮笑臉其實係為咗老竇,原來喺細個嗰陣時佢媽咪因為飛機失事而喪生,直至有一次佢老竇去公園玩,頭頂中咗雀屎,先令老竇展露笑容。

講到呢道,麥美恩就話:「開心要笑,唔開心更加要笑,愈唔開心,就更加要笑得愈大聲。」呢場戲麥美恩展現咗佢精湛嘅演技,由開心笑到傷心,再由傷心到流出悔恨嘅眼淚,感情真摰。

提到麥美恩,其實佢喺2011年參選香港小姐,可惜遺憾落選港姐,不過麥美恩有急才、口才被高層欣賞,所以推薦佢進入TVB做咗娛樂節目主持人,委派同森美一齊拍攝《森美旅行團》。

喺《森美旅行團》中,麥美恩傻大姐嘅形象深入民心,事業愈戰愈勇,近年更盡獵大型節目司儀演出,喺TVB工作量驚人,連男朋友許文軒亦因為佢受惠。

許文軒呢排工作量激增,由主播殺入TVB做司儀,較早時擔任《萬千星輝頒獎典禮》攞獎旁白司儀,又可以同女朋友搭檔做《勁歌金曲頒獎典禮》司儀,事業轉強。

提到許文軒,其實佢入行前曾經參加過全球華人新秀歌唱大賽,仲獲得冠軍兼奪最佳臺風獎,之後返香港參加總決賽,同屆香港代表仲有宜家已經喺國內紅盡半邊天嘅陳偉霆。

原本許文軒係讀設計,放棄做設計師加入TVB做主播,自從同麥美恩一齊,事業心激增,麥美恩好緊張男朋友事業,不停為男朋友而作出鋪路拉線。

麥美恩主持節目出色,畀TVB選中做鄭裕玲嘅接班人,所以佢同TVB高層關係特別好。

唔理點樣,宜家見到麥美恩同許文軒咁幸福,真係替佢哋開心,同埋期待佢哋喺之後嘅事業上可以有所成就,加油。

Like MisshkNews Facebook!不出门也能知天下事~

發佈回覆

你的電郵地址並不會被公開。