前港姐曬白滑大長腿,為咗上位姣氹副導演

呢幾年TVB姐仔人材短缺,所以前港姐劉穎鏇(Tiffany)憑借其34D豐滿上圍備受力捧。日前佢喺新劇《超能使者》中上演一場制服誘惑,為咗上位姣氹副導演。

著住超短護士制服嘅劉穎鏇,輕鬆曬出白滑大長腿,加埋34D豐滿上圍同浮凸身形,佢乜都唔使做齋企喺度,殺傷力就已經夠勁。

因為劇情需要劉穎鏇要姣氹副導演,監制文偉鴻嫌劉穎鏇太過保守唔夠Open,要求佢落多幾錢肉緊,劉穎鏇好聽話即時嘟起個嘴,姣功上升100級。

劉穎鏇話:「我覺得覺得造型有啲爆,而且條護士裙真係好短,但都ok啦,佢哋有幫手睇住我,肯定冇走光」。

劉穎鏇被指係「長腿女神」,佢笑住話:「我唔係女神,啲人有話過我長腿,但冇聽過讚靚,我都想條長腿做到賣點可以拍嚇廣告呀!但賣健康,唔係賣錫士,如果要我著三點式拍廣告,就要睇嚇係咪有需要。」

劉穎鏇仲話:「以前選港姐嗰陣都試過畀人讚過樣靚身材正,但真係唔想用身材做賣點,自己唔想咁性感,亦唔鍾意show咁多,所以都會保守啲,可以嘅話,想人哋識我性格多啲。」

劉穎鏇又自爆現實生活中冇試過收兵:「我好男仔頭,同男仔好friend,但唔係嗲嗰啲。」,一邊嘅陳山聰就大贊劉穎鏇爽朗性格好正。

講到劉穎鏇,其實佢自細運動細胞發達,擅長打籃球嘅佢喺高中時期就已經參與咗唔少女子籃球賽,甚至仲曾經獲得第二名好成績,後來喺加州大學海濱分校工商管理系畢業,之後佢就回流到香港發展。

同大多數藝人一樣,劉穎鏇喺2016年嘅時候參加咗《香港小姐競選》,喺賽前就畀視為大熱門嘅佢,最終不負眾望獲得「亞軍」、「最上鏡小姐」同「現場最受歡迎佳麗獎」三個大獎,喺選美結束之後開始發展其演藝事業。

啱啱進入TVB,劉穎鏇主要擔任《學是學非》主持,并憑借其「是非精」嘅形象而成功入屋。

之後劉穎鏇又喺《3日2夜》中大騷好身材獲得唔少網民嘅熱捧,除此之外劉穎鏇開始參與劇集演出,比如《溏心風暴3》、《兄弟》等。

據悉,喺跟住落嚟嘅新劇《唐人街》中劉穎鏇同樣有份演出,唔知到時佢又會畀我哋帶嚟點精彩噶表現呢?大家不妨一齊拭目以待啦!

Like MisshkNews Facebook!不出门也能知天下事~

發佈回覆

你的電郵地址並不會被公開。