前港姐曾經憑借《深宮計》人氣急升,曬生日靚相引起網民關注!

現年32歲前港姐李松蔓,較早時迎來生日,佢喺社交網曬出幾張慶生靚相,惹來大群網民圍觀紛紛點贊。據悉,李松蔓與一眾好閨蜜喺北京舉辦生日派對。

從相中可見,李松蔓身穿紅色連衣顯得好錫士食睛,唔少網民都留言:祝女神年年青春常駐!

見李松蔓與好友坐喺白色帳篷內,仙氣十足,又手捧插住蠟燭嘅白色“壽包”,雖然唔系常見嘅生日蛋糕,但系另有一番風味,未知今年壽星女嘅生日愿望又系乜呢?

其實,早喺3月頭嘅時候,李松蔓飛印度旅行,返香港后都獲一班好姊妹為佢提前慶祝生日,可能系喺印度玩得未盡興,當時嘅慶生派對仲以印度風格為主題,一眾美女都變身印度裝扮亮相,個個著起咗傳統嘅印度服,仲大跳印度舞,玩得好盡興!

當時,李松蔓仲喺社交網感慨留言謂:「數數自己生命中有邊個,多謝呢啲無條件愛自己嘅人,10.03.2019一個開心難忘瘋狂嘅生日夜晚,多謝你哋陪我一齊癲。」認真呀,人生得一知己足以,喺度misshk都祝福李松蔓生日快樂。

1987年出世嘅李松蔓,原名叫做李天縱,佢現時系TVB旗下力捧嘅新晉小花。舊年,李松蔓憑人氣劇集《宮心計2深宮計》人氣大升,喺劇中演水仙一角色嘅佢,演技大獲好評,因此而備受關注。

另外,較早前又憑無線首部4K劇集《不懂撒嬌的女人》成功上位,佢喺劇中演Tyra一角好搶鏡,令唔少觀眾都眼前一亮。不可否認,李松蔓確實系一位好努力上進嘅演員。

據悉,李松蔓系一位多才多藝嘅才女,佢喺12歲開始就讀北京戲曲藝術學校附屬中學(現為北京戲曲藝術職業學院),在校時修讀民族民間舞。

后來,佢畢業于北京電影學院表演系同中國傳媒大學播音系本科,諳跳中國舞、民族舞、芭蕾舞、現代舞等多種舞,并曾經遠赴歐洲、亞根廷同北京生活。無論系學歷定生活閱歷,李松蔓都好豐富,明白世道。

2011年,李松蔓返香港參加咗香港小姐嘅競選,雖然冇緣晉身三甲,但憑住出色表現,獲得無線嘅賞識,成功簽約TVB旗下發展。一開始佢被安排為娛樂新聞臺擔任主播,之后又為旅游節目主持,期間,因為喺節目中大騷驕人身材而走紅。

而家,李松蔓主力拍劇,而家已經喺多部無線劇集中亮相,作品包括《翻生武林》、《果欄中的江湖打嫂》、《天命》、《BB來了》、《特技人》、《是咁的,法官閣下》、《兄弟》與及熱播新劇《廉政行動2019》等。期待李松蔓繼續為觀眾帶嚟多啲精彩作品!

Like MisshkNews Facebook!不出门也能知天下事~

發佈回覆

你的電郵地址並不會被公開。