前港姐月蝕五十萬,壓力大到暴瘦睇心理醫生

前港姐胡美貽(Nicole)喺兩年前獲得老竇一百萬創業資金,搖身一變成為咗TVB嘅「榴連公主」,連開三間分店,更獲得港澳米芝蓮認證,本來順風順水。

點知道遇上新冠肺炎疫情,生意未如理想,而家最少蝕本50萬租金同埋員工人工,壓力大到胡美貽要去睇心理醫生。

同時,胡美貽都透露對于呢種情況,佢唔想話畀遠在外國嘅父母,因為唔想讓佢哋擔心,可能係壓力太大,胡美貽都坦言呢排體重暴跌17磅,連生理周期都亂咗,甚至一度要去睇醫生。

胡美貽喺2017年參加香港小姐競選,雖然遺憾止步十強,成為咗落選港姐,但係胡美貽仲係憑借甜美外貌同火辣身材,獲得TVB高層嘅賞識。

選美結束之后,胡美貽就簽約TVB,正式進入娛樂圈,入行唔到三年嘅時間,胡美貽參與主持唔少綜藝節目同埋多部劇集嘅拍攝,但無奈喺劇中都係客串演出。

譬如喺《十二傳說》、《BB來了》、《再創世紀》、《愛回家之開心速遞》、《兄弟》、《黃金有罪》、《鐵探》等劇集都可以睇到胡美貽嘅身影。

而啱啱大結局重頭劇《法證先鋒IV》中,胡美貽因為飾演死尸而人氣急升,備受網友關注。

唔理點樣,missHk祝福胡美貽能夠挨過難關,希望佢嘅榴連鋪頭生意更加興隆,同埋期待佢喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發表回覆

你的電郵地址並不會被公開。