前港姐有咗「BB」,竟然唔係佢…

TVB熱播劇集《機場特警》中,前港姐何依婷同楊明成日鬧交,甚至鬧分手,而尋晚一集中,楊明飲大咗上何依婷屋企廁所嘔,點知道畀佢執到支顯示「懷孕」驗孕棒。

楊明仲戇居居走去恭喜張振朗,以為係湯洛雯有喜,張振朗聽到即刻澄清:「我哋未呀!」認真攪笑,之後佢哋兩個大男人攬埋一齊,張振朗叫楊明要生性,十足阿媽口吻,二人相當婆乸!

楊明見女友何依婷大肚,一心以為自己快做老竇,更叫埋一班手足齊齊奏樂、跳舞又唱歌嚟求婚,何依婷見到咁大陣仗,何依婷應承楊明嘅求婚!

但原來之前何依婷有晚飲大咗見到前男友,更同舊愛上酒店過咗一晚,BB原來有機會唔係楊明嘅,湯洛雯為咗幫何依婷隱瞞,所以經常避開張振朗,令張振朗懷疑佢有外遇!

一齊嚟回顧片斷

Like MisshkNews Facebook!不出门也能知天下事~

發表回覆

你的電郵地址並不會被公開。