前港姐正式成為執業大律師,從此退出娛樂圈……

前港姐朱千雪呢幾年專注學業,佢除咗喺TVB劇集《降魔的2.0》客串之外,幾乎絕跡電視幕前,連舊年8月份結婚都相當低調,只邀請親友出席宴會。

朱千雪喺香港城市大學讀完法律博士學位之后,較早前就畀發現香金鐘一間著名律師樓做大律師實習生,過咗冇幾耐呢次傳出佢已經完成實習,正式升呢成為執業大律師!

究竟朱千雪會唔會徹底息影,記者聯繫上朱千雪但未有回復,不過佢曾經講過:「多謝觀眾嘅支持,TVB一直以來都好支持我,所以之后都相信TVB會一直同我配合,第日無論做乜工作,都會盡力!Thank you!」

講到朱千雪,其實當年佢參選2012年香港小姐奪得季軍入行,雖然當年因為網上投票系統發生問題,而失落冠軍寶座,但卻贏得民心,獲封為民選港姐冠軍。

朱千雪加TVB后備受力捧,首次參演電視劇《On Call 36小時II》即擔任重要角色向芊兒,飾演醫生嘅朱千雪無論係樣貌定演技,都獲網民激贊,更指《OnCall 36小時II》係朱千雪BB顏值巔峰之作。

當年25歲嘅朱千雪同49歲吳啟華喺劇中飾演情侶,雖然兩個人年齡差距大,但就出奇噉毫無違和感,觀眾激贊佢哋嘅演技自然,令人睇得舒服。

2016年朱千雪喺劇集《EU超時任務》首次擔正做女主角大獲好評,畀網友視為視后大熱,雖然最終失落寶座,但同拍檔王浩信憑此劇奪得「最受歡迎劇集搭檔」。

翌年朱千雪再憑借《踩過界》勇奪《星和無線電視大獎2017》「我最喜愛TVB電視女角色」。

朱千雪事業發展順利,但朱千雪醉心追求知識,寧愿減少幕前演出都要繼續學業,佢喺2015年向TVB請假一年,去修讀香港中文大學企業傳播管理碩士課程。

2016年畢業之后,朱千雪再修讀香港城市大學法律博士課程,一邊讀書,一路做嘢,獲封為學霸港姐。

舊年6月份,朱千雪同拍拖5年嘅醫生男朋友Justin拉埋天窗,過住幸福人妻生活,相信唔少網友都好期待可以再次睇到千雪BB嘅幕前演出。

Like MisshkNews Facebook!不出门也能知天下事~

發佈回覆

你的電郵地址並不會被公開。