前港姐激罕曬性感照,粉紅色比堅尼好蠱惑

前港姐楊思琦(Szeki)自言有「阿Q精神」,不嬲我行我素,前年突然間推出性感寫真,無懼同一班?模較量。呢日佢罕有噉喺社交平臺曬出性感照,即刻讓一眾網民喺寒冬感受到溫暖!

楊思琦著上一件緊身白T恤,入面著住粉紅色比堅尼,再加埋佢微微一笑,少女味即刻出嚟啦,網民都大讚好靚啊!

講到楊思琦,其實佢喺2001年參選香港小姐奪得冠軍入行,同時仲奪得當年「最上鏡小姐」、「網上最奪目小姐」、「纖體美態獎」等六個殊榮,佢係香港小姐競選史上攞獎最多嘅冠軍佳麗。

楊思琦當選港姐冠軍之後,馬上獲得TVB力捧拍劇,曾經主演過多部經典劇集,有《強劍》、《突圍行動》、《天機算》、《鐵馬尋橋》、《千謊百計》等。

2014年4月楊思琦約滿TVB后決定唔續約,同TVB結束13年賓主關係,劇集《大藥坊》亦都係佢離巢告別作,之後楊思琦主要喺大陸發展,多以商演為主。

2019年中,楊思琦同圈外男友喺外地結婚,同年10月公布大肚嘅消息。楊思琦對老公嘅姓氏、職業保密,只強調係中國人,并以「愛的森林」嚟形容兩人關係。

唔理點樣,宜家見到楊思琦一家人咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *