前港姐爺孫戀玩完,宜家畀曝戀上百億富商

舊年,前港姐何艷娟(Katherine)宣佈與年齡相差40年嘅澳博營運總裁吳志誠結婚,但喺今年3月份就公開宣佈離婚,婚姻歷時只維持咗8個月。

何艷娟離婚之後馬上就傳出戀上55歲百億董事陳燿璋

外界已標簽何艷娟有「拜金」形象,佢亦成為傳媒追訪焦點,但係呢半年佢好少出席公開活動,就算出席公開活動也并未接受傳媒訪問。

日前,何艷娟現身《愛回家之開心速遞》嘅宣傳活動,記者梗係有問到到佢嘅感情生活,但係何艷娟避談感情方面:「其實對于感情我唔想回應,因為最近有新劇出街,我都好努力宣傳,我會繼續努力。」

何艷娟仲話:「其實好多新聞我都控制唔到啲記者點寫,我會睇新聞,但我唔會畀新聞太影響我情緒,我都有聽好多娛樂圈嘅師姐講過,唔好太在意呢啲新聞,一笑置之就好啦。」

講到何艷娟,其實佢係1991年出世嘅,喺香港大學法律系以三級榮譽畢業,曾經參加《FACE周刊》嘅USTAR大專校花校草大選,兼夾進入到最後十強。

之後何艷娟喺2014年嘅時候再戰香港小姐競選,喺決賽嗰晚狀態大勇嘅佢,成功奪得港姐季軍嘅寶座,順利進入娛樂圈。

不過喺入到TVB之後,何艷娟所飾演嘅角色多數都系一啲配角類型,戲份較少。比如《幕后玩家》、《宮心計2深宮計》、《天命》等。

唔理點樣,希望何艷娟盡快收拾心情,都期待佢喺跟住嘅新劇《丫鬟大聯盟》中嘅精彩演出,唔知到時佢又會畀我哋帶嚟點唔同嘅表演呢?大家拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。