前港姐畀寸係「過氣明星」,拍片反擊澄清….

前港姐馬賽喺2008年參選港姐,勇奪季軍而入行,選美結束之後畀TVB力捧,但自從卷入不雅照風波,導致其演藝事業一度叫停,最終離開香港,北上大陸發展。

舊年馬賽更榮升人妻兼人母,并轉戰KOL行列,喺社交平臺教人化妝、傾生活點滴,到而家已經累積有一萬幾個粉絲追捧,成績相當唔錯。

不過呢排有大陸文章直指馬賽係「過氣明星」,更批評淪為帶貨主播,隨即觸動其神經,佢決定拍片反擊,澄清現時暫停事業係為咗湊仔。

馬賽仲話:「以前自己好介意他人嘅眼光,到呢幾年心態上有咗變化,加埋我自己學佛,我先覺得一切都係浮云,無論人哋話你好或者唔好,都唔需要介意,做好自己就得啦。」

講到馬賽,其實佢係《香港小姐競選 2008》季軍同最上鏡小姐,馬賽自從以來一直以清純嘅形象示人備受TVB力捧,佢甚至喺《神探高倫布》首次擔正做女主角,成為TVB花旦之一。

可惜,馬賽先后畀爆出同性戀疑云同艷舞風波,形象重挫、演藝事業停擺,更絕跡娛樂圈6年。

直到2015年,馬賽同TVB嘅經理人合約正式完結,佢離開服務咗七年嘅TVB同正式告別香港娛樂圈,之後佢就返大陸發展,好少喺香港蒲頭,唔少網友都表示好掛住佢嘅演出。

唔理點樣,宜家見到馬賽一家人咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。