前港姐畀爆新戀情,撻着失婚男劉愷威!

「TVB小花」湯洛雯自從同羅天宇結束四年情之后,感情生活一片空白,將所有心機擺喺工作上。點知今日就有傳媒爆出佢發展地下情,對象更加係大佢12歲,離婚唔夠一年嘅劉愷威

有指湯洛雯得林夏薇牽紅線與失婚嘅劉愷威「撻着」,更指兩個同游英國,但因為劉愷威離婚冇幾耐,想將戀情保持低調。

報道更指呢一年劉愷威經常喺香港出現,除咗湊女,更加因為方便拍拖見湯洛雯。仲要求身為媒人嘅林夏薇幫手保密,借出山頂豪宅畀佢哋密會,又借車車湯洛雯去深圳會合劉愷威。

再睇湯洛雯、劉愷威IG,基本上完全搵唔到佢哋交集嘅跡象,林夏薇同劉愷威聚會大合照,亦未見湯洛雯蹤影。

而湯洛雯喺將軍澳電視為新劇《失憶24小時》試造型時,都否認戀情,并強調與劉愷威只係普通朋友,都唔覺得對方有意追求,佢話:“我而家係單身,報道唔係事實,我哋只係普通朋友,唔係情侶關係。“

湯洛雯更表示:“呢排忙住節食喼弗,而家努力做運動,冇之前咁得人驚。”

而舊愛羅天宇出席活動時被問到呢件事話:“冇睇報道,唔知呢件事,如果係都會恭喜佢。

發表回覆

你的電郵地址並不會被公開。 必要欄位標記為 *