前港姐畀踢爆偷食人夫,事後TVB竟然…

呢排,前港姐朱智賢畀傳媒踢爆孭住男友謝東閔偷食人夫黎振燁,事件導致兩個人形象跌到谷底,單嘢發生幾日之後,一直有傳TVB諗住「保朱棄黎」。

TVB喺單嘢發生之後,安排朱智賢喺謝東閔陪同下現身記者會道歉,之後有傳TVB只會暫停佢兩個星期嘅《東張西望》嘅主持工作,希望佢可以喺單嘢淡化之後重返幕前。

尋晚,朱智賢獲TVB曬視頻片段進行「洗底」,兩分鐘嘅片段由朱智賢參選港姐講起,指佢當年雖然落敗卻未減入行決心,之後入讀TVB藝訓班,由娛樂新聞臺主播做起,又拍攝《3日2夜》,大受觀眾鐘意而畀封為「宅男女神」。(文章最後有視頻)

喺「洗底」片段中仲指出朱智賢喺工作上好努力,主持過唔少電視節目、拍廣告,其后又參與劇集演出,獲得唔少監制嘅賞識。

相信TVB此舉係希望可以改變外界對朱智賢嘅睇法,但網友似乎唔係好接受,「洗底」視頻曬出到而家已經超4個鐘頭,關於網友嘅留言仍然一面倒,指責女方。

Like MisshkNews Facebook!不出门也能知天下事~

發佈回覆

你的電郵地址並不會被公開。