前港姐發生意外氣槍走火,痛到當場…

TVB新劇《機場特警》接棒《法證先鋒IV》播出,今次前港姐蔡思貝喺《機場特警》中飾演辛凱晴,佢再次拋開女神形象,喺劇中以一頭清爽短發示人,Man爆!

第一集中蔡思貝一出場就畀揸槍賊人挾持,但好身手嘅佢單人匹馬制服賊人,相當勇猛,但原來蔡思貝拍呢場戲嗰陣,竟然氣槍發生“走火”意外,痛到當場喊咗。

選美出身嘅蔡思貝,入行以嚟負面新聞纏身,畀鬧多年人氣依然不減,但佢嘅上位之路絕非易事!

蔡思貝喺2013年參加香港小姐競選,最后以大熱姿態奪得亞軍,當選亞軍三個月之后,即獲監制張干文賞識拍劇。

蔡思貝喺《八卦神探》飾演蘇倩敏,并與鄭俊弘有感情線,首次拍劇戲份已經相當重。

入行一年,蔡思貝就同排舞師麥秋成爆出戀情,不過戀情好快就告一段落,有指因為蔡思貝同身邊男藝人太過親密,令到麥秋戴綠帽提出分手!

之后蔡思貝先后參演重頭劇《名門暗戰》、《沖線》,但其稚嫩嘅演技備受網友負評,但唔影響蔡思貝獲提名角逐《萬千星輝頒獎典禮2015》最佳女配角。

其后,蔡思貝又獲張家輝賞識參與拍攝第一部電影《陀地驅魔人》,擔任第二女主角同張家輝、張繼聰有好多對手戲。

喺2015年,蔡思貝畀爆出假學歷醜聞,但佢拒絕回應,雖然負面新聞纏身,但佢仲喺《純熟意外》中擔正做女主角,其演技首次獲得肯定,自此蔡思貝開始擔正劇集女主角。

之后蔡思貝喺《踩過界》中飾演黑社會“師爺”趙正妹嘅佢,差唔多全程要戴牙套扮醜,佢成功憑借此劇爆冷奪得“最受歡迎電視女角色”,打破楊怡、王君馨嘅紀錄成為史上最后生得主!

蔡思貝又喺電影《機動部隊2019》中受盡苦頭,畀胡椒噴霧噴,搞到眼腫眼熱,蔡思貝有女神路線唔行,硬係要做女漢子。

雖然蔡思貝平時喺劇中Man爆,但佢私低下亦女人味十足!

最后一齊回顧下蔡思貝喺《機場特警》畀劫持嘅片段。

Like MisshkNews Facebook!不出门也能知天下事~

發表回覆

你的電郵地址並不會被公開。