前港姐舊照大曝光,真係越大越靚女

「TVB小花」張寶兒喺2016年參選香港小姐仲攞到「友誼小姐」,雖然依家已經嫁咗畀袁偉豪,但依然活躍幕前,更經常分享日常同教人扮靚化妝。

不過,呢排有網民就將張寶兒舊照同依家做比較,驚嘆真係愈嚟愈靚,更有網民話:「真係唔認得!」、「同岑麗香出道嗰陣撞眼呀!」

 雖然張寶兒被指「變臉」,不過有網民就為佢平反,話佢化妝夠叻先至唔同樣啫,又話張寶兒依家有愛情滋潤,自然樣靚身材正啦!

講到張寶兒,其實佢講得上係內外兼備嘅千金小姐,曾經修讀工商管理嘅佢,雖然有個富爸爸張煌煌,但佢大學畢業之後選擇喺盛世廣告數碼做項目經理,同喺李錦記健康產品集團做產品發展經理。

選完港姐之後,張寶兒得閑嗰陣會幫老竇打理生意,身為長女嘅張寶兒或者會係內衣生意繼承人,佢老竇投資有道,除咗喺跑馬地持有三個物業之外,前年更一口氣掃入清水灣傲瀧四個單位,物業市值更超過3億元。

咁優秀嘅張寶兒,竟然睇啱咗比自己大10年、學歷低、出身普通屋邨嘅前香港先生袁偉豪。據悉,佢哋喺三年前非洲拍攝《打工捱世界II》而相識相戀。

據悉,當年袁偉豪同舊愛岑杏賢分手半年,更畀傳媒指出袁偉豪一走紅就拋棄陪佢捱窮捱苦嘅女友,之後更火速搭上張寶兒。

不得不說,袁偉豪眼光真係好好,宜家見到袁偉豪同張寶兒咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。