前港姐遇上渣男7年情告終,而家畀爆有新戀情?

2004年港姐亞軍朱慧敏喺2011年與EO2成員彭懷安拍拖,本來兩個人喺2015年宣布結婚,但系因為男方畀爆出軌,最終導致婚事告吹。

但兩年之後又再畀爆出低調復合,可惜最後都未能開花結果,今年2月彭懷安自爆與朱慧敏7年情玩完,朱慧敏聞言後爆seed力斥男方「大話連篇」,決心斬纜。

恢復單身嘅朱慧敏專心做嘢,現時忙住去大陸登臺、做網絡電臺心靈節目主持,未見新戀情傳出,不過日前有知情人捕獲朱慧敏與一男子喺觀塘街頭傾偈。

知情人表示:「嗰日系夜晚7點幾,我喺駱駝漆塔樓門口見到朱慧敏素顏冇化妝,同一個男仔喺度有傾有講,不過嗰陣落緊雨,所以佢哋傾咗一陣就各自離開。」

事後朱慧敏被問係咪有新戀情,佢話:「哈哈,唔係喇,嗰個係我嘅髪型師嚟㗎!」。

身為高材生嘅朱慧敏,自從畢業之後獨自一人喺香港打拼,2004年參加咗參加《香港小姐競選》,喺萬千注目下獲得咗亞軍!

2005年嘅時候,代表中國香港參選《國際小姐》選美時,嚟自世界各地六十幾位佳麗嘅激烈爭逐之後,以大比數票選優勢,贏得咗“友誼小姐”呢個獎項,傳媒喺當時更加系形容其為國爭光!

佢拍過嘅TVB劇集入面,其中最印象深刻嘅角色,一定系喺《愛回家》飾演嘅尹德如,朱慧敏一向都喺劇中飾演情婦,或者為咗上位不擇手段嘅角色。

呢個傻傻得得嘅尹德如,跟黎諾懿飾嘅「神之馬壯」有一段美妙嘅感情線,觀眾對呢pair螢幕情侶極之歡喜。

雖然朱慧敏曾經喺TVB嘅《萬千星輝頒獎典禮》入圍過一次「飛躍進步女藝員」同兩次「最佳女配角」,可惜都冇獲獎。

而且自從2014年嘅《愛回家》之後,朱慧敏已經好少出現喺電視上面,直到2016年佢更加唔再同TVB續約,決定離巢而轉去內地發展。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *