前港姐靚過選美時,打扮自己心情都靚啲!

呢排陰雨綿綿,心情難免有啲灰!不過前港姐張名雅就有氹自己開心方法,唔係叫老公買嘢送畀佢,而係打扮到靚一靚,人靚自然心情靚啦!

 張名雅留言話:「喺落雨天打扮自己,成為自己嘅陽光!」就好似「開心買鞋,唔開心都要買鞋一樣」,做人一定要識得對自己好啲。

不過網民就將焦點落喺張名雅身形度,話佢生完兩個細路,身材仲好過以前,但有人就話佢太瘦,要食番多啲先有力湊小朋友!

講到張名雅,其實佢係2012年度香港小姐競選冠軍,之後佢仲參選華裔小姐競選贏得溫哥華華裔小姐亞軍、同國際中華小姐季軍嘅名銜。

張名雅喺2015年《以和為貴》中飾演活潑小三蘇花(Betty),同男女主角馬德鐘同徐子珊有多場對手戲,畀網民大贊收放自如,演技大爆發,之後張名雅有份演出《鬼同你OT》更大獲好評,收視不俗。

而直到2016年7月31日,張名雅突然宣佈同拍拖一年半嘅圈外律師男友蔡錦豪(Joe)結婚,同年11月喺社交平台宣佈大肚,2018年7月14日,再次宣布懷孕四個月!

唔理點樣,梗係希望張名雅可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。