前港姐首次曬第一次同老公嘅合照,仲話我無嫁錯老公!

日前,組合DearJane嘅主音黃天翱終于一圓紅館夢,喺紅館舉行咗一連兩場嘅演唱會,而身為太太嘅前港姐楊洛婷梗系現身力撐老公,現場更化身小迷妹,舉住燈牌又瘋狂打氣,認真羨煞旁人啊。

楊洛婷同黃天翱兩個人喺2014年嗰陣就修成正果,結為夫妻。

而家已經結婚五年,但系兩個人卻依舊保持住啱交往時嘅熱情,一直甜蜜示人之余,楊洛婷日前仲喺社交網上大爆兩個人,初相識嘅甜蜜戀愛故仔,真系sweet到爆!

楊洛婷就曬出同老公初次嘅合照,原來當時佢老公每個禮拜都會去赤柱表演,而楊洛婷為咗不畀認出,唯有去到遠處聽歌,又擔心戀情曝光,合照都只能夠喺演唱會時先夠膽拍。

不過一切嘅一切都系值得嘅,而家嫁得如意郎君,兼夾育有愛情結晶,一家三口幸福美滿。

而楊洛婷更大話冇嫁錯老公,佢話:「好多人同我講Dear Jane嘅情歌會令佢哋諗起好多同另一半嘅回憶,而我每次聽到#放大假 同#男兒當打交 就會諗起我同佢初初拍拖嘅時候,驚畀人見到,所以當時佢哋每個禮拜喺赤柱表演,我就坐得好遠聽歌!」

當講到甜蜜時光,楊洛婷總系一面幸福講個唔停,佢繼續講:「直至到佢哋第一次喺Fringe Club舉辦音樂會,我哋先有第一張合照(第二張相),其實佢哋每首歌都會令我諗起我同佢人生不同階段。」

佢話:「我自己鐘意嘅就系Howie寫畀我哋首歌#草戒指,雖然今次演唱會冇唱到,但系我會成日聽,因為次次聽到呢首歌,我就好肯定佢堅持系冇錯!而我當然系冇嫁錯老公啦!!」

1981年生嘅楊洛婷同大多數藝人一樣,喺參加2003年嘅香港小姐競選后獲得亞軍同旅游大使而正式入行。

期間,佢都曾經參與過多部電視劇集,比如《窈窕熟女》、《匯通天下》、《寫意人生》、《同事三分親》、《尖子攻略》等。

 

Like MisshkNews Facebook!不出门也能知天下事~

發佈回覆

你的電郵地址並不會被公開。