前港姐黃嘉雯粉色小背心上陣,大晒纖幼螞蟻腰

呢日,前港姐黃嘉雯約埋一班朋友行山,佢喺社交平台大晒多張靚相,見佢以粉色小背心上陣,大晒纖幼螞蟻腰,仲隱約露出腹肌線條,而着上超貼身運動長褲嘅佢,亦騷出修長美腿,相當吸睛。

黃嘉雯留言話:「2022年得個大運山,新年流流就挑戰呢個8級難度嘅雞公嶺,足足行咗5個鐘,完全冇諗過自己可以挑戰到,所以絕對要畀個叻叻自己。」

黃嘉雯仲話:「建議由元朗逢吉鄉出發會比較輕松少少,因為個奪命山坡真係攞命。不過總結,風光明媚,非常值得挑戰!2022年,一定行大運。」

Like MisshkNews Facebook!不出门也能知天下事~

發佈回覆

你的電郵地址並不會被公開。