前港姐33歲生日,凍齡靚樣完全睇唔出

前港姐朱晨麗前日33歲生日,因為拍劇而成為好姊妹嘅陳煒就特登為佢慶祝生日,陳煒將佢哋嘅合照擺上社交平臺為朱晨麗賀壽。

陳煒留言話:「第1000個博文送畀親愛的朱朱,生日快樂!祝你健康平安幸福好運一輩子。」原來呢個係佢第1000個IG博文,送畀壽星女果然有心。

見到朱晨麗同陳煒都好靚女,現年47歲嘅陳煒比朱晨麗足足大咗14歲,不過佢哋坐喺埋一齊就完全睇唔出任何年齡差,陳煒真係保養得好好。

而陳煒較早前生日嗰陣,朱晨麗都有同佢一齊慶祝。睇嚟佢哋感情真係好好。

講到朱晨麗,其實佢喺2011年獲得港姐冠軍而入行,佢更喺2017年曾經以《超時空男臣》飾演嘅方惠玲一角,奪得《萬千星輝頒獎典禮2017》最佳女配角。

朱晨麗本來星路一片光明,從18線茄喱啡極速上位到一線花旦,呢幾年劇接劇嘅佢,《特技人》、《大醬園》都係擔任女主角。

之後,朱晨麗又參演臺慶劇《多功能老婆》,同洪永城飾演夫妻,并與同劇嘅楊千嬅、陳煒喺套戲內戲外都成為閨蜜。

喺今年嘅重頭劇《法證先鋒IV》,朱晨麗又喺拍攝期間為求逼真棄用替身,親身拍攝喺39樓嘅天臺救人戲份,導致手踭脫骹,頸椎嚴重移位險致半癱。

入行九年幾,朱晨麗係呢幾年先上位,以往都係茄喱啡,但喺2015年忽然富貴,除咗進駐月租十五萬嘅金鐘服務式住宅之外,歐游時坐頭等艙,兼一次付清買樓等。

原來喺2015年嗰陣,朱晨麗已經同TVB高層陳國強(殼王)搞地下情,而同時期,佢都開始喺TVB不斷露面,上位在即。

可惜朱晨麗繼《法證先鋒4》之後,佢手上零劇集突然間停低腳步,好似上位之路暫斷,背後原因嘅係緋聞男友殼王陳國強,喺今年初辭任電視廣播(TVB,00511)董事局主席同非執行董事職務。

後臺男友辭職,朱晨麗嘅上位之路恐怕有難度,失去高層照應,就算佢點肯捱肯博,充當其量可能只係二三線花旦,冇劇集拍觀眾好快會唔記得佢。

Like MisshkNews Facebook!不出门也能知天下事~

發佈回覆

你的電郵地址並不會被公開。