前華姐《降魔的2.0》飾演降魔女俠:好鐘意有唔同嘅嘗試

日前,前華姐鄧佩儀就忙住為新劇《降魔的2.0》拍攝,備受力捧嘅佢,近年嚟都系劇接劇嘅狀態,而今次佢喺套劇中嘅形象更加系兩個極端,平時狀態系一個太子女,不過喺降魔嘅時候卻化身女俠,又要吊威亞又落海,相當搏命。

呢次喺《降魔的2.0》中鄧佩儀與麥凱城系飾演降魔姐弟,佢話:「麥凱程外國返嚟,大家好快有火花,戲入面做降魔姐弟,好攪笑。最多對手戲系胡鴻鈞,我哋識咗好耐,所以可以一齊開工好開心,好有默契,應該畀到新鮮感觀眾。」

最近熱播劇《鐵探》,鄧佩儀喺劇中同樣有份參演,佢話:「好鐘意拍戲有唔同嘅嘗試,今次有好多動作戲,比起《鐵探》仲多,真系好好玩,亦有好多情感戲過足戲癮。」

而佢喺《鐵探》中與前輩姜皓文都有唔少對手戲,佢都喺社交平臺興奮留言:「幸運是我。Ps:喺翡翠臺星期三Kay出場啦!#榮幸同黑哥有咁多對手戲#我太幸運啦#會繼續努力努力努力#鐵探kay#鐵探」

1992年出世嘅鄧佩儀,喺加拿大溫哥華長大,喺英屬哥倫比亞大學主修市場學嘅佢,曾經參加過溫哥華華裔小姐競選,奪得冠軍寶座嘅佢,次年再戰國際中華小姐,再度勇奪冠軍寶座嘅佢,同大多數藝人一樣,選美結束之後就進入到TVB,開始發展其演藝事業。

期間,佢曾經參與演出咗唔少嘅電視劇集,比如《點金勝手》、《鐵馬戰車》、《公公出宮》、《東坡家事》、《幕后玩家》、《不懂撒嬌的女人》、《超時空男臣》、《再創世紀》、《鐵探》等。

雖然鄧佩儀演藝經驗不足,但佢演技卻一早征服唔少觀眾,期待鄧佩儀喺《鐵探》中嘅驚喜亮相,都期待佢喺新劇《金宵大廈》、《機場特警》、《降魔的2.0》中嘅精彩演出,大家記得千祈唔好錯過!

 

Like MisshkNews Facebook!不出门也能知天下事~

發佈回覆

你的電郵地址並不會被公開。