前華姐曾經因為與郭富城緋聞而爆肥到160磅,而家…

已經嫁作人妻嘅“處女黨”成員茍蕓慧,最近就去咗馬來西亞工作。雖然已經系人妻,不過衣著就冇特別保守,更加系曬出四寸事業線,大騷好身材,比起結婚前更加錫士。

可愛嘅宮廷公主裝,配上閃耀首飾同舒適大方嘅鞋,茍姑娘認真靚爆鏡!

茍姑娘喺IG上載咗工作嘅花絮相,除咗擺出各種pose,佢仲拍咗一條短片認真搞怪。

最后再嚟一個sweet爆嘅笑容!

不過最吸睛仲系茍姑娘嘅好身材啦,網民都大贊女神好錫士好得意。

仲記唔記得當佢喺《怒火街頭2》當中飾演胡杏兒嘅情敵,美女醫生景伶俐。本身美女醫生嗰種心地善良、和藹可親、平易近人兼夾樂天開朗嘅人物設定就好得人鐘意。

再加埋茍姑娘當年形象甜美,氣質都系相當好。於是成為咗好多宅男心目中嘅女神,就連misshk都覺得茍姑娘相當養眼。

但系之后,茍姑娘就被傳介入郭富城同熊黛林嘅戀情,郭富城同茍姑娘唔單止一齊拍廣告,仲請茍姑娘參加自己嘅演唱會,喺貴賓客席留咗一個位畀佢,茍姑娘甚至仲去郭富城阿媽嗰度居住。

最終,熊黛林與郭富城相愛七年卻未能修成正果。可惜,最終茍蕓慧都未能成為天王嫂。呢單嘢鬧到沸沸揚揚嘅緋聞都冇下文,而同郭富城疑似分手之后,茍蕓慧竟然爆肥到160磅,工作量更加系驟減。

呢幾年一直畀媒體以“肥茍”稱呼嘅佢,而家終于走出健康同感情嘅兩個人生谷底——唔單止瘦身成功,仲搵到如意郎君。

自從舊年嫁賽車手陸漢洋,兩公婆好恩愛,不時喺社交網站上曬愛。冇幾耐之前,茍姑娘就上載咗兩張高鐵車票,仲特別用紅筆圈住坐位號碼,652099。原來,“652099”代表“陸我愛你茍茍”。

而家,重新瘦返嚟嘅茍姑娘,自從榮升人妻后,依然系繼續工作,實行事業家庭兩邊兼顧,工作更加系接到唔停。冇幾耐之前,擔任咗2019年國際中華小姐競選嘅大會評審。嗰晚,身穿黑色嘅露肩禮服嘅茍姑娘,更加顯得膚色白皙,曲線迷人。

由邵氏制作嘅網劇《飛虎2之雷霆極戰》演員陣容堪稱豪華,而呢一次,茍蕓慧都有份參演,喺劇中飾演馬國明老婆。

而同樣參與劇集演出,同樣系國際中華小姐出身嘅蔡潔就大贊茍姑娘好靚、好有魅力,好吸引人。

茍姑娘自己就透露,今次嘅角色比較潑辣同八婆,性格對朋友就好好,但系對老公就特別惡,但心又好愛老公,唔識點表達。

好耐冇拍劇嘅佢,自己都坦言好期待,我哋都期待呢一對新鮮組合可以碰撞出咩火花。

發表回覆

你的電郵地址並不會被公開。 必要欄位標記為 *